ગટર-વ્યવસ્થા વિભાગ

નાગરીકે નગરપાલિકાના મંજુર કરેલા નિયમોને આધીન રહીને તથા નગરપાલિકાની ગટર-વ્યવસ્થાના કનેક્શન નગરપાલિકાની સુચના મુજબ નાગરીકે પોતાના ખર્ચે લાઇસન્સ ધરાવતા પ્લમ્બર પાસે કરવી લેવા.

નાગરીકે કનેક્શન બાબત નગરપાલિકાના ગટર-વ્યવસ્થાના દરના જે કાનુન તથા પેટા કાયદા વખતોવખત અમલમાં હોય તે અન્વયે અને તેની જવાબદારી સમજીને લેવા કાબુલ કરવી. નાગરીકે વેરો તથા કનેક્શન ફી જે કાયદેસર હશે તે બિલ આવ્યેથી મુદત અંદર ભરવું અને તેમ ના કરે તો કનેક્શન તુરંત જ બંધ કરવામાં આવશે તેમાં નાગરિકની કોઈ તકરાર ચાલશે નહીં.

કોઈ સાર્વજનિક કામ અંગે સુધરાઈને કે સરકારને નાગરિકનું કનેક્શન બંધ કરવાની જરૂર જણાય તો નાગરિકને દિન 3 ની નોટિસ આપી નગરપાલિકા તે પ્રમાણે કરે તો વાંધો લેવો નહીં

ગટર-વ્યવસ્થાના કનેક્શન કોઈ કારણોસર બંધ રહે તો ભરેલા પૈસા લેવાને કે નુકસાનીને દાવો નગરપાલિકા ઉપર નાગરિક કરી શકે નહીં.

નાગરીક પોતાના મકાનમાં હોટલ, વિશ્રામસ્થાન, ચા, કોફી, આઇસ્ક્રીમની દુકાન, વીશી, એરટેલ ફેક્ટરી અથવા એવો કોઈપણ ઉપયોગ કરે તો તે બદલ મુકરર થયેલ ચાર્જ અલગથી વસુલ કરવામાં આવશે.

ગટર-વ્યવસ્થાના કાનુનો તથા પેટા કાનુનોની કોઈપણ શરતોનો ભંગ કરશે તો નગરપાલિકા તે નાગરીકનું કનેક્શન બંધ કરવા મુખત્યાર છે.

સદર નાગરીક મકાનમાં ગટર-વ્યવસ્થાના કનેક્શન લેવામાં આડોશી પાડોશીને નુકશાન થશેતો નાગરીકના શિરે છે.

એકવાર નગરપાલિકા તરફથી કાયદેસર ગટર-વ્યવસ્થાનું કનેક્શન બંધ કર્યા પછી તે ફરીથી ચાલુ કરવા નવી અરજી આપી મંજુરી મેળવવની રહેશે.

અરજદારે પોતાના મકાનના ગટર-વ્યવસ્થાના કનેક્શન માટે જુદી ચેમ્બર બનાવવી પડશે બીજા કોઇની ચેમ્બરમાં કનેક્શન લઈ શકશે નહીં. જો તેમ કરવામાં કસુર થશે તો તે માટે અરજદાર જવાબદાર ગણાશે.

મુનિસિપલ પ્લમ્બરીંગ લાઇસન્સ કોન્ટ્રાક્ટરે ઉપર જણાવેલા મકાનને કનેક્શન કરતાં પહેલા ચીફ ઓફિસર નિમાયેલા અધિકૃત અમલદારના હુકમ મેળવ્યા બાદ કામ શરૂ કરશે. તે કામ સંતોષકારક છે તે બાબતનું સર્ટિફિકેટ નગરપાલિકાના એન્જિનિયર તરફથી મળી શકે નહીં તો તે જવાબદારી અરજદારની રહેશે.

જે જગ્યાએ ગટર-વ્યવસ્થાનું કનેક્શન જોઈતું હોય તે જગ્યાના માલિક તરીકે નગરપાલિકાના રેકોર્ડમાં જેનું નામ હોય તેમણે અગર તો ભાડુંઆત હોય તેમણે મકાન માલિકીની સંમતિના દાખલા સાથે અરજી કરવાની રહેશે.

અરજી કરતાં અગાઉનો નગરપાલિકાનો લ્હેણો થતો બધો વેરો નગરપાલિકાને ભરી દેવામાં આવેલો હોવો જોઈએ.

મકાન માલિક ગટર-વ્યવસ્થાના કનેક્શન લે અને તેમણે જૂનું દટણ પોતાના ખર્ચે પૂરી દેવાનું રહેશે અને તેની લેખિત જાણ નગરપાલિકાને અરજદારે કરવી પડશે