નાગરિકસુવિધા વિભાગ

જ.બો.ઠ.નં.૯૧, તા.૨૫/૯/૨૦૦૦ તથા જ.બો.ઠ.નં.૭૮, તા.૨૩/૭/૨૦૦૪ થી ટાઉનહૉલ ભાડેથી આપવા અંગેના નિયમો બનાવેલ છે. હાલમાં નગરપાલિકા ટાઉનહૉલ જ.બો.ઠ.નં.૧૨૬, તા.૩૧/૭/૨૦૦૮ તથા કા.ક.ઠ.નં.૩૦૬, તા.૨૪/૧૧/૨૦૦૮ થી લોકભાગીદારીથી સેન્ટ્રલી એરકન્ડીશન્ડ તેમજ સુધારા વધારા કરી શ્રી ધીરજલાલ જગજીવનદાસ શાહ નામ આપવામાં આવેલ છે. કા.ક.ઠે.નં.૧૫૩, તા.૪/૯/૨૦૦૯ તથા જ.બો.ઠ.નં.૧૩૭, તા.૮/૧૦/૨૦૦૯ થી નગરપાલિકા ટાઉનહૉલના ભાડે આપવા અંગેના નિયમોમાં સુધારા વધારા કરી નીચે મુજબના નિયમો બનાવવામાં આવેલ છે.

દરરોજ નીચે લખ્યા મુજબ સમયની ત્રણ શીફ્ટ રહેશે તથા દરેક શીફ્ટનું ભાડું તથા ડીપોઝીટ તેની સામે જણાવ્યા મુજબની રકમ બુકીંગ વખતે પુરેપુરી લેવાની રહેશે. તથા આ પરાંત ___% સર્વિસ ચાર્જ (કેન્દ્રિય કર) સાથે ભરવાનો રહેશે.

વધુમાં ઇલેક્ટ્રીક ચાર્જિસના શીફ્ટ પ્રમાણે રૂપિયા ૫,૦૦૦/- એડ્વાન્સ તરીકે આપવાના રહેશે તેમજ ખરેખર થયેલ વીજળી સામે તે મજરે આપશે.

એક સાથે બે શીફ્ટ સળંગ બુક કરાવનારને વધારાના રૂપિયા ૧,૦૦૦/- અને એક સાથે ત્રણ શીફ્ટ સળંગ બુક કરાવનારને વધારાના રૂપિયા ૨,૦૦૦/- ભરવાના રહેશે.

એક વ્યક્તિ કે સંસ્થા ધ્વારા એક કરતાં વધુ શીફ્ટ બુકીંગ એક સાથે કરાવે તો દિવસ દીઠ રૂપિયા ૨૦,૦૦૦/- ડીપોઝીટ ભરવાની રહેશે. જે ૭ દિવસ સુધી ડીપોઝીટ રોલીંગ રહેશે. ત્યારબાદ બીજી ડીપોઝીટ ભરવાની રહેશે.

શીફ્ટ સમય પૂરો થતો હોય તો કબજો સોંપી દેવાનો રહેશે. જો કબજો સોંપવામાં નહીં આવે તો વધારાના ૧ કલાક દીઠ રૂપિયા ૧,૫૦૦/- લેખે ભાડું વસુલ કરવામાં આવશે અને નગરપાલિકાને જરૂર પડે તો ટાઉનહૉલ ખાલી કરીને કબજો પરત લેવા હક્કદાર છે.